Астанада жиі пара сұрайтын мекемелердің аты аталды
Еліміздегі ең парақор полицейлер Астанада тұрады. Елордалық сақшылар тәртіпсіздікпен күресудің орнына, заң бұзған тұрғындардан еш қымсынбай ауызбастырық сұрайды екен. Сыбайлас жемқорлыққа қарсы ұлттық бюро арнайы зерттеу жүргізіп, Астананың ақша дәмететін мекемелерінің тізімін жариялады.
Автор: Жәудір Оразхан
13.07.2016
Яғни, полицейлер жол ережесін бұзған көлік жүргізушісінен бастап, істі болған күдіктіден де пара алады. «Қара тізімде» полицейлерден кейін мемлекеттік кіріс органдарының қызметкерлері яғни кеденшілер мен салықшылар тұр. Балабақша, мектептегілер де пара алудан алдына жан салмайды екен. Басшысынан бастап, тәрбиешілер мен ұстаздарға дейін ақша берсеңіз болды, кез-келген мәселені дереу шешіп беруге әзір. Яғни, астаналық жемқор мекеме қызметкерлері көбіне лауазымын асыра пайдаланып заңсыз табыс табады, тіпті алаяқтыққа барудан да тайынбайтын болған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
