Астаналық шенеуніктер ет аларда оның түсі мен иісіне мән беруге кеңес берді
Астана базарларына түскен ет қатаң бақылауға алынды. Дегенмен, күйдіргі дертінің таралуына байланысты шенеуніктер тұрғындарға ет таңдауда аса мұқият болуларын сұрап отыр.
Автор: Ербол Сейілхан
13.07.2016
Қазір Астанаға ет әкелетін кәсіпкерлер де ұдайы бақылауда. Егер олардың сау малдың еті екенін дәлелдейтін құжаты болмаса, өнім базар мен дүкендерге жіберілмейді. Сондықтан еттің әр келісі қайта-қайта сараптамадан өтуде. Өйткені, күйдіргі ауруының белең алуы жағдайды ушықтырып отыр. Бірақ, адамдар еттің сапасын өз бетінше тексере алады. Ол үшін 200 ден 1500 теңге аралығында сараптаманың үлгісін лабораторияға беріп, қортындысын алуға мүмкіндігі бар.
Байжігіт Мөлдеков, Астана қалалық Ауыл шаруашылығы басқармасының бөлім басшысы:
-Еттің түсіне қарау керек, қойдікі қызыл-күңгірт, сиырдың еті қанық қызыл болу керек.Еттің майына да қарау керек. Еттің майы ақ сары болуы керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
