Ақтаудағы гуманитарлық-техникалық университетінің бұл студенттері күні кеше көптен күткен дипломға қол жеткіздік деп ойлаған. Тіпті сауық кешіне қамданып та қойған екен. Бірақ тексеруге келген мемлекеттік комиссия бұл жоспардың тас-талқанын шығарды. Өйткені, студенттердің дипломдық жұмысы талапқа сай емес деп танылған.

Рахаш Байтұрова:

 -Ішпей-жемей, киінбей еңбек етіп, осы балалар ертең қара жұмысшы болмасын, қолдарында диплом болсын деп оқытып жатырмыз. Бұл қалай болғаны, түсінбей отырмын. Еңбегіміз еш кетті ма, балаларымыз қаңғып оқыды ғой.

Өз ғылыми жұмыстарын тек санаулы студент қорғай алыпты. Ал бірінші күні-ақ 50 дипломдық жұмыста кемшіліктер табылған. Олардың қатарында болашақ қаржыгерлер мен қазақ тілі пәнінің мұғалімдері бар. Студенттер университетте білімнің жоқтығынан диплом жұмысын ұстаздарынан сатып алғанын ашық айтып отыр.

Жұпар Құлтаева, 4 курс студенті:

-«Мынау дұрыс емес» сатып алдыңдар дейді. Әрине, біз сатып аламыз. Бізде білім жоқ. Мына жақта дұрыс білім берген жоқ. Бізге бағыт-бағдар беретін ғылыми жетекші тағайындалған жоқ.

-Қыздар бізде жоқ қой?

-Жоқ! 

Гүлнар Тәжіқожаева, 4 курс студенті:

-Алматыдан келген комиссия мына дипломдарыңды қабылдамаймын, өтпейді деді. Алматыдағы университеттің магистратурасына түсетін болсаңдар мен қабылдаймын дипломды. Түспесеңдер қабылдамаймын дейді.

Ашулы студенттер бүгін ректорды жағадан алуға дейін барды. Себебі, білім сапасына сол жауапты. Ал жұмыстарды бірінен соң бірін қайтарған комиссия мүшелері бұндай дайындықтағы болашақ мамандар үшін жауапкершілікті өз мойнына алғысы жоқ.

Алма Түсіпова, мемлекеттік комиссия мүшесі:

-Просто они сами н делали эти работы.

-Не сами?

-Конечно!

-Вы считаете что они купили эти дипломы?

-Запросто! У них в голове деньги. Кому они отдали пусть они и отвечают. Извините, вот за такой балоган меня по голове не погладят. Мы специалисты и не имеем права делать такого. Мне стыдно держать такие работы в руках.

Дегенмен студенттерге өз кемшіліктерін түзеуге күзге дейін уақыт берілді. Тек енді дипломдық жұмысты болашақ ұстаздар мен қаржыгерлердің өздеріне жазуға тура келеді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!