Теміртауда жоғалған кәсіпкерді полицейлер жасырып келген

Теміртауда осыдан екі апта бұрын із түссіз жоғалған бизнесмен табылды. Владимир Дашкевичті осы уақытқа дейін полицейлер жасырып отырыпты.  Жиһаз жасаумен айналысатын кәсіпкерді туғандары іздеп шарқ ұрған. Сөйтсе, оны бизнестегі серіктесі өлтіруге тапсырыс бергені үшін, полиция шілденің басынан бері қаладағы пәтердің бірінде жасырып келген екен. Тергеу барысында бұлтартпас айғақтар жиналған соң, оның бизнестегі серіктесінің қолына кісен салынды. 38 жастағы Теміртау тұрғыны Владимир Дашкевичті өлтіруге тапсырыс бергенін мойындаған.