Алматыда жоғалған атақты композитордың ұлы әлі табылмай жатыр
Алматыда із-түзсіз жоғалған белгілі сазгер Еркеш Шәкеевтің ұлы Сафар Шәкеев туралы тың ақпарат бергендерге 10 миллион теңге сыйақы жарияланды. Себебі екі күн бұрын үйінен шығып кеткен жас жігіт әлі табылған жоқ. Оны полицейлер мен еріктілер тобы іздеуде. Сондықтан ұлынан көз жазып қалған сазгердің достары қандай да бір мәлімет бергендерге ірі көлемде сыйақы ұсынып отыр.
Автор: Диас Нұрақын
18.07.2016
Іздестіру жұмыстары жан-жақты жүргізілуде. Қазірдің өзінде еріктілер Ремизовка, Весновка жағалауы мен трамплиннің маңын шолып шыққан. Алайда ешқандай нәтиже жоқ. 25 жастағы жігітті куәгерлер соңғы рет Әл Фараби даңғылының бойындағы банктің алдынан көріпті. Яғни өткен сенбі күні таңғы жетілер шамасында ол банкоматтан ақша шешпекші болған. Дәл осы сәт көшедегі бейнекамераға түсіп қалған екен. Алайда одан кейін қайда бағыт алғаны белгісіз. Сондықтан жоғалған жігіттің ата-анасы мен туыстары Сафар Шәкеевті көрген-білгендерден көмек сұрайды. Тіпті іздестіру жұмыстарына атсалысып, еркітілер тобына қосылуды өтінуде.
Бекнұр Қысықов, ерікті:
- Ешқандай ақпарат жоқ. 7.42 де Әл Фараби-Весновкадан көрді деген ақпарат бар. Одан кейін қайда кеткені туралы ақпарат жоқ. Телефоны сөніп тұр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
