Алматыда сотталған келіншекті зорлаған түрме қызметкері ақыры қамауға алынды
Ойнастық жасап, орға түсті! Алматыда сотталған әйелді зорлаған 35 жастағы түрме қызметкері ақыры уақытша тергеу абақтысына қамалды.
Автор: Ербол Тұрымбет
20.07.2016
Сараптама қорытындысы ЛА 155/18 мекемесінің қызметкері Руслан Хәкімовтің Назерке есімді сәбидің әкесі екенін анықтаған. Қазір ол қамауға алынып, ісі тергеліп жатыр. Одан бөлек, тағы 3 озбыр қызметкерге қатысты сотқа дейінгі тергеу амалдары жүруде. Айта кетейік, аталған мекемеде жазасын өтеген Наталья Слекишина өзін өткен жылдың тамыз айында 4 бірдей түрме қызметкерінің бірнеше қайтара зорлағанын айтып, шағымданған болатын. Ал өзі содан жүкті болып, қыз тапқан. Прокурорлар енді түзету мекемесінің басшыларын да жазаға тартуды көздеп отыр.
Ержан Мырзакеров, Алматы қаласы прокуратурасының басқарма бастығы:
- Алматы қалалық прокуратурасымен департамент бастығының атына ұсыныс енгізілді. Сол мекеме басшыларын тәртіптік жазаға тарту туралы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
