Алматыға жүз лаңкес басып кірді деп өсек таратқан студент 5 жылға сотталуы мүмкін
Алматыдағы атыс кезінде жалған ақпарат таратып, жұртты дүрліктірген екі азамат ұсталды. Олардың бірі қаладағы оқу орындарында сырттай оқитын студент қыз екен.
Автор: Диас Нұрақын
22.07.2016
Бойжеткен инстаграмм парақшасында өзі жұмыс істейтін «СитиЦентр» сауда орталығын лаңкестер басып алып, бірнеше адамды кепілде ұстап отыр деп жазған. Ал екіншісі «Жұлдыз» ықшам ауданында қару асынған жүз шақты адам бәрін қырып жатыр деп әлеуметтік желілерді шулатқан. Алайда бұл ақпараттардың кейін өтірік екені анықталды. Сондықтан тәртіп сақшылары бірден жалған мәлімет таратушыларды іздеп, 21 жастағы бойжеткен мен 23 жастағы жігітті ұстады. Қазір ойнаймын деп от басқан қос күдікті де тергеліп жатыр. Енді 5 жылға дейін бас бостандықтарынан айырылуы мүмкін.
-Инстаграмға салған ақпаратымды тексермедім. Ақылсыздығым бұл. Кінәмді мойындаймын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
