Ақтөбе облысында нөсерден келген шығынның көлемі жарияланды
Ақтөбе облысында шелектеп жауған жаңбырдан 150 миллион теңгеге шығын келген. Қандыағаш қаласында бүлінген нысандарды қайта қалпына келтіруге осыншама қаржы қажет деп отыр шенеуніктер.
Автор: Жаңалық Ахаш
26.07.2016
Әйтсе де әкімдіктегілер есептерін қайта қарауға дайын. Өйткені, синоптиктер апта соңына дейін жауынды болады деп болжаған еді. Өткен демалыс күндері Қандыағаш қаласындағы 2 көпір қирап, ондаған баспана мен әлеуметтік нысандарға зақым келген. Су өткелін төтенше жағдайға арналған облыстық қордың қаржысынан жөнделетін болды. Ал суы сорғалаған гимназияның шатырын жаңалауға 34 миллион теңге жұмсау қажет. Бірақ ол ақшаның қашан бөлінетінін шенеуніктер айта алмай отыр. Сондай-ақ үйлерін су басқан тұрғындар да көмексіз қалмайды деп сендірді әкімдіктегілер.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
