Ақтөбенің бас әскериі түрмеден ақшамен құтылып кетті
Ақтөбеде парамен ұсталған облыстық қорғаныс істері жөніндегі департаменттің басшысы соттан айыппұлмен құтылды. Енді ол үш ай ішінде 6 миллион теңгені қазынаға өтеп үлгеруі керек.
Автор: Жаңалық Ахаш
12.08.2016
Ғалымжан Жантөрин жігіттерді ақша үшін әскерден босатып, әскери-техникалық мектепке оқуға түсетіндердің медициналық тексеруден кедергісіз өтуіне көмектескен. Сонымен қатар, аудандағы бөлім жетекшілерінен де жүйелі түрде пара алыпты. Ол тағылған айыппен бірден келісті. Тіпті прокурорлармен мәмілеге келуге барын салып, енді міне, тек айыппұлмен құтылып отыр. Әйтсе де, сот оны еркіндікте қалдырғанымен, дүние-мүлкін тәркілеп, полковник шенінен айырды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
