-Шымкент пен Ақжар ауылының арасы 12 шақырым. Және былтырдан ғана қаланың үлкен қоқысханасын осы Ақжар ауылынан 2 шақырым жерге көшірген екен. Содан бері, қыл-қыбыр артқан көліктер қоқыс полигонына ерінетін болуы керек, қалдықтарды ауыл іргесіне тастап кете беруді әдет қылған. Ал, оған қарап жатқан бірде-бір шенеунік не полицей жоқ.

Ауыл десе Ақжарлықтар тамылжыған табиғатты емес, тау болып үйілген қоқысты елестетеді. Шеттегі үйлерден 20 метр жерден тұрмыстық қалдықтар көріне бастайды да, ары қарай бірнеше жүз метрге осы көрініс жалғасып кете береді. Мұнда жиі соғатын жел сайда орналасқан ауылға қоқысты ұшырады. Ал жағымсыз иіске шыдау мүмкін емес, қолқаңды қабады.

Есен Қалыбеков, Ақжар ауылының тұрғыны:

-Қай жақтан әкеліп төгіп жатқанын білмейміз. Өліп қалған малға толы. Оны төгіп жатқан камазисттерге ақша керек, ал біздің халыққа денсаулық керек емес пе?

Қоқыс тасыған жүк көліктері ауыл ішімен өтіп, жұрттың өзі төсеген тас көшелерін де бүлдіріп бітіпті. Оан қалса іргедегі қоқыс жиі өртеніп, ауылды улы түтін жайлайды екен. Ересектер көзін ала бере кішкентайлар да осы жерге жиналуды әдет қылған. Сондықтан мұнда жұқпалы аурумен ауыратын балалар да көбейіпті.

Сәуле Ерматова, Ақжар ауылының тұрғыны:

-5 бала-шағамның алды 10-да кішкентайы бірде. Аурудан басымыз ашылмайды. Үнемі ауру. Таңертең тұрсаңыз иіске тұтығып, далаға шыға алмайсыз. 5 баламды үйге тығам.

Мұндағы жұрт тәртіпті қадағалуаы тмиіс учаскелік полицей дегенді көрген емеспіз дейді. Қалдықтарды тастап жүрген көліктерді бірнеше мәрте суретке түсіріп, оны ауыл әкіміне беріпті. Ол болса өздерің әрекет қылыңдар дегеннен аспайды екен. Ал аудан басшылары Ақжардың қоқысы туралы сендерден естіп тұрмыз деп аң-таң болды. 

Нұрлан Тілеш, Абай ауданы әкімінің орынбасары:

-Қаржы да, техника да жетеді бізде. Адам күші де жетеді. Біз ауыл шетіндегі қалдықты, күл-қоқысты 2-3 күн ішінде толық тазалап тастаймыз.

Биыл ауданның тазалығына 230 миллион теңге жұмсалыпты. Шенеунікке сенсек, ол жылдап тазаланбаған қалдықты апта соңына дейін жоқ қылатын болды. Ал ауыл басшысы мен полицейлеріне қатысты мәселені май шаммен қараймыз деп сендірді. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!