Ол осыдан жарты жыл бұрын жол жиегінде тұрған көлікке соғып, жанындағы екі жігітті басып өткен. Соның салдарынан 21 жастағы Әділхан Қуанышалин оқиға орнында қаза тапты. Ең сорақысы, соның алдында шенеунік көлік айдау құқығынан айрылған екен. Онымен қоймай сол күні мас болыпты. Әйтсе де, алғашқыда ішімдік ішпегені туралы жалған анықтамамен құтылып кетпек болған еді. Бірақ кейінгі сараптама оның өтірігін шығарды. Сотталушы өз кінәсін ақыры мойындамады. Әйтсе де, судья оны бас бостандығынан айырып қана қоймай, жеті жылға көлік айдауға тыйым салды. Сонымен қатар, марқұм болған жігіттің отбасына 2 миллион  теңге моралдық шығынды өтейді. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!