Өзіне қол салған азамат  шамамен 40-45 жаста екен. Ол  Елорданың қақ ортасындағы мына үйдің жоғары қабатынан өзін-өзі тастап жіберген. Жантүршігерлік жағдайды таңертең жұмысқа шыққан ондаған тұрғын көрген. Олардың арасында ұл-қызын жетектеп балабақшаға асыққандар да бар. Оқиға орнын қоршауға алып,  полицейлер мен  криминалистер  жұмыс істеуде.  Жедел жәрдем де шұғыл жеткен. Бірақ дәрігерлердің көмегі керек болмады. Полицейлер марқұмның мүрдесін сараптамаға алып кетті. Осы демалыс күндері Астанада тағы бір жас жігіт 15-ші қабаттан өзін тастап жіберген еді. Ол да бірден көз жұмды. Шілдеде де 19 жастағы қыз  22-ші қабаттан құлап, суицид жасаған болатын. Ал, бүгін Есілдің сол жағалауындағы «Мисон» деп аталатын тұрғын үйдің жоғары қабатынан құлап, мерт болған ер адамның неге өзіне қол салғаны әзірге белгісіз.

Гүлнәр Әбдірахманова, Астана қаласының тұрғыны:

- Көп адам тұрады ғой, үй үлкен., білмейміз ғой, кім қай этажда  тұратын. Көршілерінен сұрамаса, көрішлерімізге де ештеңе естілмейді. Бізде площадька үлкен, бір-бірімізді естімейміз. Коридорға шығып ешкім айқайласпайды ғой.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!