Атырауда жұртты шошытқан ұрылар ақыры ұсталды
Атырауда тұрғындардың үрейін тудырып келген ұрылар ұсталды. 7 адамнан құралған қылмыстық топ шілде-тамыз айларында 30-ға жуық баспананы тонап үлгеріпті.
Автор: Жанар Низамутдинова
05.09.2016
Ақшаны адал еңбекпен емес, ұрлықпен табуды кәсіп еткен жігіттердің жастары 25 пен 30 арасында. Тепсе темір үзетін азаматтардың барлығы жұмыссыз. Баукеспелерді ұстау кезінде жұрттан ұрланған тұрмыстық техника мен зергерлік бұйымдар, құрылыс материалдары табылып, тәркіленген. Бұлар қожайындары күндіз жұмыста болған сәтте немесе түнде иесіз қалған үйлерге түсіп, олжаларын көлікке тиеп алып кетіп отырыпты. Қаскөйлер бай-бағлан емес, тұрмысы орташа азаматтарды тонаған. Қазір зардап шеккендер бір-бірлеп полиция бекетіне келіп, өз заттарын танып әкетіп жатыр. Ал полиция күдіктілердің өзге де сыбайластарын іздестіруде.
Гүлнәзира Мұхтарова, Атырау облыстық ІІД баспасөз қызметінің жетекшісі
-Ақжар ауылындағы үйлерді тонаумен айналысқан қылмыстық топ құрықталып отыр.Ұсталғандар жастары 25-30-дың аралығындағы Атырау қаласының тұрғындары, қазіргі кезде қамауға алынды, тергеу-тексеру жұмыстары жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
