Теріскейде қымбаттаған газ бағасы жүргізушілерді тығырыққа тіреді
Теріскейде бір айдың ішінде газ бағасы екі рет қымбаттады. Жергілікті шенділер қашанғыдай мұны көгілдір отынның тапшылығымен байланыстырып отыр. Бағаның көз ілеспес жылдамдықпен қымбаттауы – әсіресе көлігі газбен жүретіндерді тығырыққа тіреді.
Автор: Гүлмира Тасболатқызы
08.09.2016
Соңғы үш айда өңірде сұйытылған газ тапшы. Тек қыркүйектің басында ғана жергілікті монополияларды реттеу департаменті газдың бағасын 51-ден 58 теңгеге көтеруге рұқсат берген. Ал Ақтөбедегі газ өңдеу зауытының 3-4 күн бұрын жөндеуге жабылуы жағдайды ушықтырып жіберіпті. Салдарынан Солтүстік Қазақстанға бөлінетін газ мөлшері екі есеге қысқарған. Көгілдір отынның қоры таусылып, тапшылық байқалғанда шағын бекеттер оның бір текше литрін бірден 75 теңгеге шарықтатты. Ал бағасы реттелетін бекеттерде газ тек талонмен сатылып жатыр.
Арман Өтегенов, СҚО табиғи монополияларды реттеу және бәсекелестікті қорғау департаментінің басшысы:
-Газ жетпей жатыр. Ақтөбеден келген газ жартысы келді. Сондықтан субьектілер талонмен сатады газды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
