Биыл жер-ана еңбек еткен адамға мол өнім берген. Диқандар әр гектардан орта есеппен 70-80 тоннадан пияз алды. Қазір сол бақша өнімі қапталған күйде алқапта жинаулы жатыр. Енді 10-15 күн күннің астында қалса күйіп кетуі мүмкін. Ал, жауынға ұрынса тіптен жарамсыз болып қалмақ.

Жылма-жыл диқандар пиязды Ресей асыратын. Ал биыл жағдай күрделі. Бұған дейін ара қашықтыққа байланысты бір вагонды жөнелту құны 300 бен  600 мың теңге аралығында болса, биыл екі есе қымбат. Оған тасымалдаушы компанияның ауысып кетуі себеп екен. 

-Мынау біздің еңбегіміз ала жаздайғы. Бар тапқан таянғанымызды осыған тықтық. Енді бұл далада жатыр.Ресейден келген клиентердің бәрі қайтадан кетіп жатыр. Қымбат болғаннан кейін. Бірге бір қосып жіберген тарифты.

Пиязды жергілікті жерде өткізу қиын. Ал Ресейде сұраныс бар. Бірақ тасымалдау құнының көтеріліп кетуіне байланысты көрші ел алып-сатарлары біздің өнімді алудан жаппай бас тартқан. Яғни оларға тиімсіз. Ал диқандар  пияз егуде аз шығындалған жоқ. Ұрық сатып алу мен жерді жалдау ақысы, тіпті судың да бағасы осы жылы шарықтап кеткен. Жалпы, шығын гектарына 1 млн. теңгеден асыпты. Енді осы қаржының да қайтатын түрі жоқ.

Қуанышбек Тоқбергенов, шаруа:

- Әрбір диқаншыға айтқан . Экспорттаңдар, көрсетіңдер жеміс-жидектің бәрін деп. Бірақ соны өткізейік десек, біздің қазекеңдер тарифты көтеріп тастаған. Ресейден клиенттер алмай жатыр. Мынау жатыр. Клиент жоқ. Қазір өз құны 25-30 теңгеге айналып қалды бізге. Өз бағасына сатпаймыз ғой біз.  

«Қазақтан темір жолы» Ұлттық компаниясының Жамбыл жол бөлімшесінің басшылығы жүк тасымалдаумен айналысатын еншілес жаңа фирманың тағайындалғанын растады. Баға құнын сол «Экспресс-ҚТЖ» реттейді дейді. Ал өздері бұл жағдайда араағайындық етуге дәрменсіз екен.  Сөйтіп, тек шуласқан елге әріптестерімен байланысуға кеңес берді. 

Әділ Түсіпов, «Қазақтан темір жолы» ҰК АҚ  «Жамбыл жол бөлімшесі» филиалы директорының орынбасары:

-Ал енді бұлар қазір бір үш-төрт вагонға білмеймін енді, хат жазып көрсе, ставкаларын қарастырып бере ме, бермейді ме, ол енді Астанаға өздері шықсын. Телефон, мекен-жайын береміз.

Алайда жұртты зар илеткен «Экспресс-ҚТЖ» фирмасын ақыры табу мүмкін болмады. Басшысымен сұхбат ұйымдастыруға уәде еткен баспасөз хатшысы да ұшты-күйлі жоқ. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!