Көлікте темекі шегуге тиым салу мәселесі дау тудырып жатыр
Мәжілісмендердің тағы бір бастамасы көлік жүргізушілерінің қарсылығын тудырды. Ол - көлік жүргізу кезінде темекі тартуға тыйым салу жайлы ұсыныс. Жұрт мұндай тыйым кезекті рет жемқорлыққа жол ашады деп, ондай бастаманы қолдамай отыр.
Автор: Олжас Байжан
08.09.2016
Жол жүру ережесіне өзгерту мен толықтыру енгізуді талқылаған мәжілісмендер темекінің апатқа себеп болатынын айтқан. Тек жүргізушілер мұнымен келіскен жоқ. Шылым шегу қозғалыс кезінде назарды басқа жаққа аудармайды деген сенімде олар. Әрі бұған қатысты статистикалық мәлімет те жоқ екен. Егер бұл тыйым енгізілетін болса, онда жарқырайтын жарнама, қысқа көйлек киген қыздар мен өзге де факторлардың алдын алу қажет дейді заңгерлер. Әйтпесе, мұндай тыйымдар жол сақшысы үшін сыныққа сылтау болайын деп тұр.
Сергей Уткин, заңгер:
- Біздің полицейлердің жемқорлыққа жол беретіндігін ескерер болсақ, онда бұл тыйымды қолдамаймын. Жүргізушімен сөз таласып қалған тәртіп сақшысы темекі шектіңіз деп жала жаба салады. Содан соң өзіңіздің сүттен ақ, судан таза екеніңізді дәлелдеп көріңіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
