Қызылордада құлаған тікұшақ жартылай жанып кеткен
Қызылордадағы тікұшақ апатының себептерін 6 адамнан тұратын арнайы комиссия қарап жатыр. Апат себептерін анықтау үшін жартылай жанып кеткен тікұшақ қайта құрастырылмақ.
Автор: Ербол Тұрымбет
08.09.2016
Оқыс оқиға Сырдария ауданы аумағында «ҚазТрансОйл» ЖШС-не қарасты «Құмкөл» мұнай-газ өңдеу станциясында болған. МИ-8 көкке көтеріле бере төмен құлдилапты. Ішінде 3 экипаж мүшесінен бөлек 19 адамның барлығы аман. Тек төртеуі әр түрлі жарақатпен Қызылорда қаласындағы ауруханада жатыр. Ал тікұшақтың өзі «Еуро-Азия Эйр» әуекомпаниясына тиесілі. Айта кетейік, компанияның дәл осындай ұшағы 2012 жылы Алматы облысында да құлаған. Ол кезде ұшақ бортындағы 8 адам түгел қаза тапқан болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
