Алина Хаджиева:

-Балабақшадан хабар келген соң күйеуіміз екеуіміз барсақ ұлым ауа жетпей қысылып отыр. Тамағы қып-қызыл. Балалар жіппен қылқындырды деп жылайды. Ал, тәрбиешілері мен меңгерушісі бала өзі құлап қалды дейді.

 Өзі құлап қалды деген уәжге №14 «Сұңқар» балабақшасындағылар бүгін де тілшілерді сендіруге тырысты. Айтуларынша, бала қуаласпақ ойнап жүріп, жығылған.

Қалбүбі Тұңғышбаева, балабақша меңгерушісі:

-Міне. құлады деп отырмын ғой.  Құлады да ДСП-ге сыдырып кетті.  Қуаласпақ ойнап жүріп. Тәрбиеші қасында отырды, болды. Ол енді жүгіріп бара жатқан баланы ұстап қала алмайды ғой.        

Тілші. Тәрбиешінің кінәсі жоқ дегенімен оған қатаң сөгіс жариялапты. 4 жыл қызмет еткен маман бүгін таңертең ғана өз еркімен жұмыстан да кеткен. Қазір бұл мекемені ата-аналардың арызы негізінде білім бөлімі тексеруде.

Күлзина Уәлиханова, Шымкент қалалық білім бөлімі басшысының орынбасары:

-Енді білім бөлімі тарапынан зерделеу жұмыстары жүргізілді. Тәрбиеші өз өтініші бойынша жұмыстан шығарылды. Алайда, бірінші басшы яғни меңгеруші жұмысына немқұрайлы қарағаны үшін тәртіптік шара қолданылды.

-Қандай?

-Сөгіс берілді.

«Сұңқар» балабақшасындағы жағдайдан кейін шала бүлінген білім бөлімі мектепке дейінгі барлық мекемелерге балаларға мұқият болуды қатаң ескертіп, жиын да өткізіпті. Қазір, №14 балабақшадағы жағдайға байланысты сотқа дейінгі тергеу басталып, сараптамалар да тағайындалған. Қортындысы бойынша қатаң сөгіс алған бұрынғы тәрбиеші тіпті сот алдында жауап беруі де мүмкін. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!