Алматыда жас жігіттің денесін кімдердің бөлшектеп тастағаны белгілі болды
Алматының қақ ортасынан бөлшектелген денесі табылған ер адамның өліміне қатысты күдіктілер құрықталды! Жантүршігерлік қылмысты жасады деп айыпталып жатқан қос азамат Байқоңыр қаласында қолға түскен.
Автор: Нұргүл Нұрланқызы
15.09.2016
22-23 жастағы жігіттер Шығыс Қазақстан облысы мен Павлодар қаласының тумалары екен. Екеуі де марқұммен жақсы таныс болыпты. Тергеу мәліметі бойынша, арада келіспеушілік туып, қаскөйлер жабылып 25 жастағы жігітті аяусыз ұрып-соққан. Кейін мәйітті бөлшектеп, қоқыс жәшігіне тастай салған соң із суытыпты. Тіпті, шетел асып, қашып кетуге әрекеттенген көрінеді. Қазір екеуі жедел-тергеу тобының бақылауымен Байқоңырдан Алматыға әкелініп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
