Семейде битті кетіру үшін қызының басына қытайлық дәріні сепкен ана баласын өлтіріп алды
Семейде битке қарсы препараттан 8 жасар қыз көз жұмды. Оның шашындағы паразиттердің көзін жоймақ болған анасы Қытайдың уыттылығы жоғары диазинон деген дәрісін сепкен екен. Бала содан бірер минуттан кейін есінен танып құлаған.
Автор: Ұлан Нұрахмет
15.09.2016
Оқыс оқиғадан есі шығып кеткен әйел жедел жәрдем шақырудың орнына, таныстарына хабарласып уақыт жоғалтыпты. Дәрігерлер жеткенше комаға түсіп қалған қызды құтқару мүмкін болмады. Тіпті жансақтау бөлімінде жасалған шаралардың пайдасы тимеген. Өйткені, диазинон уыттылығы жағынан екінші санатқа жатады екен. Сондықтан адамдарға қолдануға болмайтын түрі болып шыққан. Мамандар оны малдың өзіне пайданалар алдында қажетті мөлшерде су араластыру керек,- дейді. Өкінішке қарай, шешесі дәрінің сыртындағы анықтаманы оқымаған сыңайлы.
Балжан Әлмағамбетова, Семей қалалық жедел жәрдем станциясының дәрігері:
-Бұл препаратты ветеринарлық дәріханаларда сатады. Ал оны баланың шашына сепкен уақытта ауыр аллергиялық реакция пайда болған. Сондықтан қуаты жоғары диазинон жәндіктердің ғана емес, қыздың да өліп кетуіне себеп болды. Негізі, оны кенелер мен басқа да зинянкестерді улау үшін ғана қолдану керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
