Маңғыстаулық экологтар итбалықтардың не себепті қырылып қалғанын анықтауға кірісті

Каспий теңізінің жағасындағы олардың өлекселерін жергілікті тұрғындардың бірі көріп, дабыл қаққан еді.  Оқиға Форт-Шевченко қаласы маңында болған. Жағалаудан өлі табылған итбалықтардың саны алтау. Олардың жанында тіпті бекіре тұқымдас балықтардың өлекселері қалқып жүрген. Қажетті сынамалар алынып, Алматыға жіберілді. Енді аз күнде итбалықтар мен бекірелердің неден қырылып жатқаны анықталуы тиіс. Ал тәуелсіз экологтардың айтуынша, олар браконьерлердің құрған тұзағына түсіп, дауылдың күшімен жағаға шығып қалған.