Жыл сайын осы кезде көлден құрт аулап, нанын тауып жүрген Шарбақты жұрты қазір суға жақындауға қорқады. Бұған жуырда болған оқиға себеп. Көл маңынан мал іздеген ер адамды күзетшілер қуып жетіп, тепкілеген. Ауруханадан бір-ақ шыққан азамат енді «аттан құладым» деп арыз жазудан бас тартуда.

Ал ауылдастары оны полицияға арыздануға үгіттеп әлек. Өйткені асыра сілтеген күзетшілер көл емес, көшеде кетіп бара жатқан бала-шағаға да соқтығатын көрінеді.

Ләззат Абаева, Шарбақты ауылының тұрғыны:

-Біз де барып оларды ұрып кете аламыз. Ондай баскесерліктің керегі не?Заң бар. Заң не үшін?Біз заңға сүйеніп отырмыз.

Шарбақтылықтар дейін құртты тонналап жинап, кәсіпкерлерге арзан бағаға тапсырып келген. Ал биыл жағалауға мүлде аяқ баспапты. Көлді 10 жылға жалға алған кәсіпкер болса, құрт аулау маусымы бір ай бұрын басталғанымен, іске кірісуге асығар емес.

-Жұрт жыл сайын құрт аулап, нәпақасын тауып жүрген мына көл маңында қазір тыныштық орнаған. Тұрғындар тіпті жаз бойы мұнда ешкімнің шомыла алмағанын айтады. Қарулы күзет орнатқан жаңа қожайын аумаққа адам түгілі, малды да жолатпайтын көрінеді.

Қара базарда сұранысқа ие артемия салина – фармацевтика мен косметика жасау саласында таптырмас шикізат. Оның бір қабының құны қазір 70 мың теңгеге жуықтайды.

Ерғанат Жұмабаев, Шарбақты ауылының тұрғыны:

-Ауылдың жартысынан көбі осы көлмен күн көріп жүрдік. 2000-шы  жылдан бері қарай. Біздің талабымыз – осы көлді ашмын. Артемийді аулатқызсын.Біз артемийді тапсырып, өз нанымызды тауып жеуге дайынбыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!