Бұл қалалық әкімдікке тіке қатынайтын үш көшенің бірі. Бірақ Ақтөбенің қақ ортасында тұрса да жолдары өмірі жөндеу көрмеген. Жаңбырлы күні жұрт батпаққа батып, ойдым-ойдым жерлерінен көлік әрең жүреді.

Жанар Жәкеева, Ақтөбе қаласының тұрғыны:

-Мына көше дәл  әкімдікке барып тіреледі басы. Сонда бұл көше осылай жата бере ме? Қаланың ішінде.  Ауыл емес қой бұл?. ..

Қарасай батыр көшесінің тұрғындары қанша жылдан бері шенеуніктерге арыз жазып шаршаған. Осы жолмен күнде қатынап жүрген әкімдердің ешбірінің мәселеге мойын бұрмағанына өкпелі.

Сәлима Кенжетаева, Ақтөбе қаласының тұрғыны:

-Қаланың әкімі де жүрген  шығар мына жолмен талай рет. Ол ұялмай қалай жүреді осы жолмен? Мен соны білмеймін. Кімнен сұрарымызды білмеймін?. Жазбаған жеріміз жоқ. Жауап жоқ.

Ең қызығы, жергілікті атқамінерлер жұрттың арызына көшеде қозғалыстың аздығын айтып жауап берген. Шұрық-тесік жолмен көліктердің сығылысып жүріп жатқанын байқамапты. Тек енді ғана көздері ашылып, жан-жақтарына қарап жатқандарын айтады.

Руслан Төреғали, Ақтөбе қалалық коммуналдық шаруашылық бөлімі басшысының орынбасары:

-Осы Қарасай батыр көшесін 2017 жылдың жұмыс жоспарына енгізу жоспарланып отыр. Толығымен күрделі жөндеу жұмысына асфальт жамылғысын төсеу, жаяу жолдар қарастырылатын болады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!