ОҚО-да жантүршігерлік жол апатынан жолаушылардың бірінің басы жұлынып кетті
6 адамның өмірін жалмаған апат орнында тағы қайғылы жағдай. Оңтүстік Қазақстандағы Қазығұрт асуы маңында болған бұл жолғы оқыс оқиғадан 2 адам өліп, 6 жолаушы жараланған. Соққының қатты болғаны сонша, жолаушылардың бірінің басын жұлып кетіпті.
Автор: Бек Әбиев
21.09.2016
Ірі жол апаты Шымкенттен 30 шақырым жерде түскі мезгілде болды. «Фолксфаген Джетта» 8 орындық «Киа» көлігімен бетпе-бет соқтығысқан. «Жібек Жолы» бекетінен шыққан минивэнде жүргізушіден өзге 6 өзбек азаматы болған екен. Қос мүрде мәйітханаға жіберілді. Бірінің басы жұлынып кеткен. «Шымкент – Ташкент» тасжолының тура осы тұсында екі күн бұрын шағын автобус пен жеңіл көлік соқтығысқан болатын. Ол кезде де 5 адам оқиға орнында қаза тауып, тағы бір тәуліктен соң 3 жасар қыз көз жұмған. Ауыр жарақат алған тағы 16 адам әлі ауруханада жатыр. Оның 6-уы балалар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
