Алматыда автобус жүргізушілері жаппай жазаланып жатыр
Тәртіп сақшылары 3 күннің ішінде жол ережесін бұзған 400-ден астам адамды ұстаған. Кейбір жүргізушілердің медициналық тексеруден өтпегені былай тұрсын, қолдарында жолаушы тасымалдау куәлігі де болмапты.
Автор: Олжас Байжан
22.09.2016
Тәртіп сақшыларын шошытқан жайт бұл ғана емес. 3 күндік рейд кезінде әкімшілік жазаға тартылған автобус жүргізушілерінің басым бөлігінің тізгінде отырып телефонмен сөйлесуді әдетке айналдырғаны белгілі болған. Сонымен қатар, олар қауіпсіздік белдігін тақпай, өзге көліктерге кедергі келтірген. Бұл қоғамдық көліктегі жолаушылардың ғана емес, айналадағылардың өміріне қауіп тудырады. Жалпы, рейд кезінде 409 хаттама толтырылғанымен, мұндай бір реттік шарадан нәтиже шамалы. Оны полиция да мойындап отыр. Яғни, жүргізуші айыппұлды төлеген бойда ескі әдетіне қайта басады екен.
Нұрлан Нұрсаитов, Алматы қалалық ІІД ӘПБ бөлім бастығы:
-Ереже бұзатын жүргізушілер саны азайып қалды. Бірақ ол ұзаққа созылмайды. Тексеріс аяқталған соң қоғамдық көлік жүргізушілері ескі әдетіне салады. Біз өз кезегімізде жол ережесін өрескел бұзғандарды қайтадан жолға шығармауға барымызды саламыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
