Оңтүстік Қазақстанда тағы сұмдық жол апаты болды
Жұрт «ажал жолы» деп атап кеткен «Ташкент-Термез» трассасындағы оқиға салдарынан бүгін түс ауа 4 адам қаза тапты. Шымкенттен 50 шақырым жердегі шайханалардың бірінде тоқтап тұрған «Газельге» «Мерседес» соқтығысқан. Жеңік көліктің 3 жолаушысы сол жерде тіл тартпай кетсе, 25 жастағы жүргізушісі ауруханаға барар жолда көз жұмды.
Автор: Бек Әбиев
22.09.2016
Бұл осы жол тұсындағы бір апта ішінде болып отырған 3-ші ірі жол-көлік оқиғасы. Дүйсенбі күні мұнда шағын автобус пен жеңіл көлік соқтығысып, 6 адам қаза тапқан болатын. Тағы 16 адам әлі ауруханада жатыр. Күні кеше ғана 8 адамдық микроавтобус пен «Фольксфаген» бетпе-бет келіп, 6 адам жарақат алып, тағы екеуі оқиға орнында тіл тартпай кеткен еді. Күшті соққыдан бірінің тіпті басы жұлынған. Айналдырған 4 күн ішінде жолдың дәл осы бөлігінде 12 адамның өмірі қиылды. Осы 3 қайғылы оқиға бойынша полицейлер тексеру жүргізіп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
