Тергеу материалдарына қарағанда, Матаев жетекшілік ететін Ұлттық баспасөз клубы мол табысын қасақана жасырып бюджетке 245 миллион теңге салық төлемеген. Алайда, айыпталушы бар кінәні өзінің марқұм боп кеткен орынбасары Александр Кимасовқа жауып отыр. Матаевтың сөзіне сенсек, ол бухгалтерлік, қаржылық, тіпті тендердің ісіне мүлдем араласпаған. Салық төлеу үшін қандай құжаттың толтыру керектігін де білмеймін деп ақталды. Журналистер одағының жетекшісі мен оның ұлы «ҚазТАГ» агенттігінің директоры Әсет Матаевқа мемлекеттік насихатқа бөлінген бюджет ақшасын жымқырды, салық төлеуден жалтарды деген айып тағылып жатыр. Жемқорлыққа қарсы агенттіктің мәліметінше, әкелі-балалы Матаевтар 300 миллион теңгені қалталарына басқан. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!