Павлодарда көкөніс күлге айналды

Павлодарда өңірдегі ең ірі көкөніс сақтау қоймасы отқа оранды. Сол сәтте нысанда жұмыс істеп жатқан 25 жастағы электрик түтінге тұншығып өлген. 80 адамның күшімен әзер сөндірілген оттың неден тұтанғаны әзірге белгісіз. Жалын «Ақтоғай-Агро» серіктестігіне қарасты қойманың 6 мың шаршы метр аумағын шарпыпты. Дегенмен мұндай алапат өрттен қоймадағы күні кеше жиналған картоптың күйіп кетпеуі – ғажап жағдай. Ғимаратқа келген шығын көлемі 70 млн теңге шамасында екен.