Көкпекті апатына кінәлі деп танылған айыпталушының жазасы жеңілдеді
Қарағанды облысының Көкпекті ауылында болған су тасқынына кінәлі деп 3 жылға сотталған Владимир Крючковқа қатысты сот үкімі өзгерді. Апелляциялық алқа су қоймасын жалға алушыға тағылған екі бап бойынша айыптың бірін алып тастап, 2 жылға бостандығын шектеу жазасын кесті.
Автор: Саят Сабдалы
26.09.2016
Яғни Владимир Крючковтың бөгетке жасаған ұсақ-түйек жөндеу жұмыстары апаттың болуына әкелген жоқ деп танылды. Сондықтан тағылған осы бапты апелляция алып тастады. Бірақ сот алқасы оның қызметін асыра пайладанды деген бап бойынша бұрынғы сот үкімін күшінде қалдырып отыр. Естеріңізге салсақ, 2014 жылдың көктемінде Көкпектіде су бөгеті жарылып, тасқыннан 5 адам өлген болатын. 200 ден аса баспана қирап, қыруар мал қырылған. Алғашынша, жарылған бөгеттің экс-депутат Рауан Шаекиннің «Шаңырақ» серіктесітігіне тиесілі екені тергеу басында айтылып еді. Бірақ кейін аталмыш фирма одан ат тонын ала қашып, бөгет иесіз тұрған болып шыға келді. Осы сотта да адвокаттардың бөгет жағдайына жауаптылар анықталсын деген арызы қараусыз қалды. Ал Крючковтың өзі толық ақтауды талап етіп, енді Жоғарғы сотқа арызданбақшы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
