Елімізде Ұлттық біріңғай тестілеу тағы өзгеріп жатыр
Бұл жолы сұрақтардың саны 125-тен 120-ға қысқартылған. Бар болғаны 5 сауалға азайғанымен, енді сынақтардың мазмұнына талап күшейтілмек.
Автор: Досжан Маратұлы
27.09.2016
Бұдан-былай түлектер мектепте де емтихан тапсырып, жоғарғы оқу орнына түсерде тестілеуден өтетіні белгілі. Сұрақтардың санын сәл де болса қысқартқан Білім министрі оның 60-ы математика, Қазақстан тарихы, қазақ және орыс тілдеріне қатысты болатынын айтты. Қалған 60 сауалға 11-шы сынып оқушылары таңдаған мамандығы бойынша жауап беруі тиіс. Сөйтіп тест сұрақтарының бір ізге түсеріне еліміздің бас мұғалімі сенімді.
Ерлан Сағадиев, ҚР Білім және ғылым министрі:
-Мамандық бойынша келетін 60 сұрақ екіге бөлінеді. Мысалы, медицина мамандығын таңдаған талапкер биология пәнінен 30 кейін химия пәнінен 30 сауалға жауап беруі тиіс. Жалпы, ҰБТ-ны тапсыру ережесі сол күйінде өзгеріссіз қалады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
