Сақтансаң сақтайды!
Алматыда төтенше жағдай өкілдері өрт қауіпсіздігін үй аралап түсіндіріп жүр. Қалада өрттің жартысынан астамы жер үйлерден шығатындықтан, төтенше жағдай мамандары оларға жеке-жеке кіріп, ескертпе қағаз таратуға кіріскен.
Автор: Ербол Тұрымбет
03.10.2016
Ескертпе қағаздың үтір-нүктесін қалдырмай оқып тұрғандар – Түрксіб ауданындағы тәртібі нашар отбасылардың бірі. Бәрі де таңның атысынан ащы суға тойып алған. Үй деген аты болмаса, адам тұратын жерге ұқсату қиын. Өрт осындай үйлерден көп шығатындықтан, төтеншеліктер оларға арнайы кіріп, қауіпсіздік шараларын нықтап түсіндіреді. Биылғы 8 айда Алматыда 392 өрт дерегі тіркелсе, оның 207-сі жер үйлерде тұтаныпты. Сондықтан өрттің алдын алу осындай ескертпе қағаз таратудан басталады. Ал Түрксіб ауданы – қаладағы осындай баспаналар көп шоғырланған аудандардың бірі. Таң алагеуімде шыққан ауданның төтенше жағдай мамандары үнпарақтарды осылай әр үйге үлестіріп шықты.
Айдын Дулатов, Түрксіб аудандық ТЖБ аға инженері:
-Талғар ауданының Қайрат ықшамауданы қосылуына байланысты біздің Түрксіб ауданының жеке тұрғынүйлерінің саны өсті. Қазіргі таңда Түрксіб ауданында 24677 тұрғынүй бар. Соның басым бөлігі қыс кезеңінде көмір жағып, үйді жылытады. Өрттің шығу қаупі үлкен болады сондықтан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
