Жаңаөзенде мұнайшылар тағы бас көтерді
Жаңаөзендік мұнайшылар бірнеше күннен бері жұмысқа шығудан бас тартып жатыр. Олар жалақыларын көтерумен қоса, бұған дейін «ереуілге үгіттеді» деп айыпталған жолдастарын босатуды талап етуде.
Автор: Гүлмира Тасболатқызы
03.10.2016
Қарақұрым жиналып тұрған мына халық Жаңаөзендегі «Бұрғылау» деп аталатын жеке серіктістіктің жұмысшылары. Жаздан бері басшыларымен дауласып жүрген олар ұрандар жазып, шараға тыңғылықты дайындалып келіпті. Мұнайшылар жалақыларын көтеруді, өздеріне тиесілі үстеме ақыларды өтеумен қоса, кәсіподақ басшылығын ауыстыруды да талап етуде. Бұған дейін де мұнайшылар ескерту ретінде бірнеше сағатқа жұмысқа бармай қойған еді. Бірақ онысынан түк шықпағандықтан, бұл жолы жұмысты мүлде доғарған. Ал жергілікті билік бұрғылаумен қоса, ұңғыларды жөндеумен де айналысатын жеке компания басшылығы мен жұмысшылары арасындағы еңбек дауына әзірге араласпай, іштен тынып отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
