Саин көшесіндегі кісі шошырлық көрініс мына SHACMAN-ның  кесірінен болған. Толғанша тас артқан қытайлық жүк көлігі 4 жолақты магистарльдың тас-талқанын шығарды.

Түтіндеген техниканы құтқарушылар әрең дегенде сөндіріп үлгерді. Жолдағының бәрін жапырып өткен жүк көлігі бірнеше автомашинаны іле кеткен. Біразы қашып құтылса, төртеуі астына түсіп, олар да аударылған. Ауыр техника жаншыған мына көліктің сау-тамтығы қалмапты. Бірақ, құдай сақтап жүргізушісі дін-аман. Ал мына жүргізушінің тіптен жолы болды десек болады. Жүк көлігінің соққысынан жан-жақа ұшқан темір сынықтары мен ауыр тастар оның Тойотасына тимей қалған.

Көлік қозғалысы күндіз-түні үзілмейтін ең үлкен көшелердің бірі-Саинда сойқан салған жүк көлігінің қай фирмаға тиесілі екені айтылмай отыр. Тек оның құрылыс компанияларына қатысы бары белгілі. Тасты толғанша тиеген оның түн ортасында жоғары жылдамдықпен жүйіткігенін көргендер бар. Болжам бойынша, ауыр техниакның тежегіші істен шығуы мүмкін. Өйткені куәгерлердің бірі оның ұзақ уақыт тоқтай алмай келе жатқанын көріпті. 

Есіл Жәлиев, оқиға куәгері:

- Жүк көлігі сонау Шаляпин көшесінен белгі беріп келді. Жүргізушісі қайта-қайта шамын жағып жұртқа белгі берді. Бірақ ешкім оған мән бермеді. Ал соңында Саинға бұрылып аударылды.

Жүк көлігінің тізгінінде 24 жастағы жігіт отырыпты. Бұзық  техникамен жолға шығып, бірнеше адамды жазым қыла жаздаған ол да жеңіл желпі жарақаттар алған. Бірақ полицейлерден олай құтылмасы анық.

Салтанат Әзірбек, Алматы қалалық ІІД ресми өкілі:

-Абырой болғанда соқтығыс салдарынан ешбір адам зардап шеккен жоқ. Тиісті сараптамалар тағайындалып, нәтижесінде бұл жол апатына әкеп соқтырған факторлар міндетті түрде анықталатын болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!