Елімізде құтқару қызметтері біріктірілуі мүмкін
Азаматтық қорғаныс саласындағы құрылымдар біріктірілуі тиіс. Алматылық құтқарушылармен кездескен Сенат депутаттары «Азаматтық қорғаныс туралы» заңды талқылау барысында осындай ұсыныс айтты.
Автор: Олжас Байжан
14.10.2016
Қазір елімізде өрт сөндіру депосы, мемлекеттік өрт қауіпсіздігі қызметі және әкімдікке бағынатын мекемелер бар. Атаулары әртүрлі болғанымен, атқаратын функциясы бір. Сылбыр қимылдайды деп көбіне сынға ұшырап жататын төтенше жағдайлар қызметіне қаржының да аз бөлініп жатқанын айтты сенаторлар. Әсіресе, құтқарушылардың айлығы мардымсыз. Жаңадан келген мамандар 55 мың теңге жалақы алса, 20 жылдық өтілі барлардың өзі 70 мыңға жетер-жетпес ақшаны місе тұтып жүр. Сонымен қатар, бұл саланың техникалық базасын жақсарту керек дейді депутаттар.
Дариға Назарбаева, Сенат депутаты:
-Жаңа техникалық шешімдерді іздеуіміз керек шығар. Үлкен қалаларда сирена қанша айқайлап жатса да қала тұрғындарының көпшілігі оны естімейтін шығар. Керек па, жоқ па? Бұл азаматтардың айтып отырғаны тағы да қаражатты қосып, сондай сиреналарды көбейту керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
