Үш ай бойы еліміздің 14 облысы мен екі ірі қаласын аралаған топ 7 және 13 жас аралығындағы жүздеген баланың дауысын тыңдап, ең дарындыларын іріктеп алды. Сол үздік 23 жеткіншек бүгін Алматыға келіп, жұлдызды үйге орналасты. Енді олар «Бала дауысының» финалына осында дайындалмақ.

Фарида Ниязова, «Бала дауысы» байқауының продюсері:

-Осыған дейін атқарылған жұмыс ең жеңілі болған сияқты. Себебі, алда бізді жауапты шара күтіп тұр. Ақтық сында балалар арнайы жазылған әнді шырқайды. Бұл авторлық ән болмақ.

Қатысушылардың дайындалуына аз-ақ уақыт қалды. Әрбір баламен күнделікті дизайнер, хореограф, суретші жұмыс істеп, вокалдан да дәрістер алады. Әлихан Қабдыаманов – ақтық сынға өткен шыққан балалардың бірі. Ол Алматыға Оралдан келіпті. Жас әнші қазірге дейін қарсыластарын артта қалдырып, жеңіске бір табан жақындағанына сенер емес.

Әлихан Қабдыаманов, байқауға қатысушысы:

-Мен шынымды айтсам ешқандай қобалжу сезімі жоқ. Мен жаңа достар таптым. Барлығы жақсы.

Әрбір қатысушының өз тәлімгері бар. Дәл солар шәкіртін дайындап, қолдау көрсетеді. Тіпті сахнаға бірге шығып, дуэтпен ән шырқайды.

Медеу Арынбаев, әнші:

-Ақтық финалда қатысушы балалар жаңа ән орындайды жеке, бұрын орындалмаған әнді. Ең ауыртпашылық жүк сол болады. Жаңа әнді орындау оңай болмайды. Композиторлар арнайы ән жазып жатыр, аранжировщиктер әрлеп жатыр.

«Бала дауысы» байқауының финалы 12 және 13 қараша күндері Республика сарайында өтеді. Ең үздік орындаушыны қазақстандықтар смс хабарлама көмегімен дауыс беру арқыры таңдайды. Ал қазірше біздің арнадан әр сенбі күні сағат 20:20-да байқау күнделіктерін тамашалай аласыздар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!