Семейде жол жөндеушілер жаңбырда төсеген асфальттарын қопарып тастауға мәжбүр болды

Өйткені олардың көзбояушылықтары түсірілген бейнежазба құзырлы орындардың назарына ілігіпті.  Әйтпесе мердігер ұйым жолға екі жыл кепілдік беріп, қулығын асырып кетпекші болған. Ал олардың жұртқа күлкі болған жұмыстары бір қыстан соң ойық шұңқырға айналар еді. Сондықтан қапыда ұялы телефонға түсіп қалған  жол жөндеушілердің бір жұмысты екі рет шығындалып істеулеріне тура келген. Олар жаңбыр суына малынған асфальттарын ойып алып тастап, жаңасын төседі.