Атырауда кепілақымен бостандыққа шыққан экс-полицейлер қайтадан қамауға алынды
Қалалық криминалдық полиция бөлімінің басшысы Нұрболат Қабдешев пен аға жедел уәкіл Бейбіт Шалтенов 18 қазанда тұтқындалған еді. Іле-шала бірі кепілге көлігін, енді бірі баспанасын қойып, тергеу абақтысынан босап шыққан.
Автор: Жанар Низамутдинова
27.10.2016
Алайда экс-полицейлердің еркіндікте жүруіне облыстық прокуратура қарсылық танытты. Өйткені, абақтыдан шыға сала тергеуге кедергі келтіре бастапты. Кепілдікте тұрған көлік пен үйлерін қайтарып беріп, өздерін қайта қамауға алған. Нұрболат Қабдешев пен Бейбіт Шалтенов – жауыздықпен адам өлтіріп, 22 жылға абақтыға жабылған Манарбек Өтеуовтің тікелей басшылары. Екеуі де сотталған лейтенанттың Ішкі істер бөліміндегі былықтарды тізіп жазған хатынан кейін істі болған. 8 беттік хатта көрсетілген жаға ұстатар мәліметтерді қазір Бас прокуратурадан арнайы келген жедел топ тергеп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
