Оралда жолдар жабылып, кейбір жерлерде жарық пен газды уақытша өшіруге тура келді
Өйткені осы Батыс Қазақстандағы Чинаревское мұнай-газ кен орнына бара жатқан алып жүктер айналасына сияр емес.
Автор: Жанар Низамутдинова
28.10.2016
Әрқайсысының салмағы 30 тоннаға жететін мына платформалардың биіктігі үш қабатты үймен бірдей. Сол себепті жүргізушілер сағатына небары 40 шақырым жүруге мәжбүр. Қондырғылардың тым үлкен болуы оралдықтарға қолайсыздық тудырып-ақ отыр. Өйткені алып жүктерге электр сымдары мен газ құбырлары кедергі келтіруі себепті жұмысшылар оларды кесіп немесе жоғары көтеріп, әбігерге түсіп жатыр. Сондықтан жұрт біраз жарықсыз, газсыз отырды. Ал, кей жерлерде жол сақшыларының жолды жауып тастауы салдарынан көліктер бірнеше шақырымға дейін кептеліп қалған.
Виктор Токмаков, Орал қаласының тұрғыны:
- Жұмыстарын қанша уақытта бітіретіндіктерін де айтпайды. Бір аптадан бері жүріп-тұру қиындап кетті, тума-туыс бір-бірімізге жете алмай жатырмыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
