Айыппұлың болса, Алматыдан шыға алмайсың
Енді жол ережесін бұзып айыппұл төлеуден қашып жүргендерге Алматыдан аттап басып шығуға тыйым салынбақ.
Автор: Досжан Маратұлы
04.11.2016
Өйткені бір ғана Алматыда жол ережесін бұзғандарға салынған айыппұлдың көлемі 11 миллиард теңгеге жеткен. Шенеуніктердің айтуынша, бұл ақшаға көп қабатты 20 тұрғын үй салуға болады екен. Сондықтан жергілікті бюджетке түсімді арттыру үшін әкімдіктің айыппұлды күштеп өндіруден басқа амалы жоқ. Бір айта кетерлігі мұндай қатаң тәртіп берешегі бар жүргізушілердің барлығына қолданылмайды. Тек, ереже бұзып, айлап жылдан жалтарып жүргендерге ғана. Олар қарызын төлемейінше қаладан шыға алмайды. Ал көлігі айып тұрағына әкетілмек.
Жанна Төлегенова, «Алматы қаласын Дамыту орталығы» басқармасының төрайымы:
-Қалаға кіретін шығатын жолдарды қатаң қадағалаймыз. Сондықтан бейнебақылау камераларын көбейтіп, тағы 150-ден астам тас жолда бақылауды күшейткелі отырмыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!