Бірақ көп асқанға бір тосқан.  Жұмысынан  кейін көлігінің ішінде кезекті  кәсіпкерден 5 миллион теңге пара алып жатқан Сақташ Хасеновтің  жұмада қолына кісен салынып, өзі қамауға алынған болатын. Тергеу материалдарына сенсек, ветеринарлық бақылау комитетінің төрағасына бизнесмендер Қазақстанға шетелден кіргізілетін еттің әр келісі үшін ай сайын  ақша төлеп келген. Сөйтіп Хасенов пен оның министрліктегі  сыбайласы Елена Решетько  бар болғаны 8 айдың ішінде 37 миллион теңгеге қалтасын қампайтыпты. Ал қылмыстық жолмен тапқан қаржысына Сақташ Хасенов жақында салоннан су жаңа Toyota Land Cruiser  сатып алған.  Алайда жол талғамайтын қымбат көлігіне отырып үлгермей жатып тергеу қапасынан бір-ақ шықты.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!