Украина әскеріне қарсы соғысқан жігіт Ақтөбеге оралғанына өкініп отыр
Ақтөбеде шетелдегі қарулы қақтығысқа қатысқан жігіт сотталды. 21 жастағы Максим Ермолов Украинаның Донбасындағы көтерілісшілерге қосылғаны үшін 3 жылға бас бостандығынан айырылды.
Автор: Жаңалық Ахаш
07.11.2016
Ол 2014 жылы Донецкіге Орынбор арқылы жолға шыққан. Автобуспен діттеген жеріне жетіп, «Оптима» қонақ үйіндегі әскери бөлімде аялдайды. Сол жерде қатардағы жауынгер болып тіркеліп, Украинаның қарулы күштеріне қарсы соғысқан. Онысын елдегі достарына әлеуметтік желі арқылы мақтанышпен жеткізіп отырыпты. Тіпті қару-жарағын қолына алып, суретке түскен сепаратистің мұнысы сот отырысында айғақ ретінде тіркелді. Бірақ Максим Донбаста қарулы қақтығысқа қатыспадым деп, кінәсін мойындамай отыр. Ол жақта тек гуманитарлық көмек таратумен айналыстым деп бет бақтырар емес.
Максим Ермолов, Ақтөбе қаласының тұрғыны:
-Мен ол жаққа көмектесуге бардым. Гуманитарлық көмек тараттым. Елге өз еркіммен қайтып келдім. Бұл жаққа түрмеге отыру үшін келген жоқпын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
