Асқар Мырзахметов, ҚР Ауыл шаруашылығы министрі:

-Қызметінен  босатылған жоқ. Себебі білесіздер, осындай жағдайлар орын алғанда  соттың шешіміне дейін оны босатуға болмайды. Соттың шешімі шыққаннан кейін тиісті шешім қабылданатын болады.

Сондай-ақ, Мырзахметов елге жеткізілген  еттің сапасы үшін алаңдамауға кеңес берді.Өйткені Сақташ Хасенов параға рұқсат құжатын бергенімен тыйым салынған өнімді кіргізуге құзыреті болмаған. Айта кетсек, ветеринарлық бақылау комитетінің төрағасы өткен жұмада 5 миллион теңге парамен ұсталған еді. Лауазымды шенеунік Қазақстанға шетелден  мың тонна құс етін кіргізу үшін кәсіпкерден осыншама  ауызбастырық талап етіпті. Жалпы Хасенов министрліктегі сыбайласымен бірігіп 8 айда 37 миллион теңгеге қалтасын қампайтқан. Тіпті соңғы сыйақасына  28 миллион теңгенің қымбат джипін сатып алған екен. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!