Павлодарда туған қызын аяусыз ұрып-соққан Нұргүл Докуова сотта жауап берді
Павлодарда туған қызын аяусыз ұрып-соққан Нұргүл Докуованы аналық құқынан айыруға қатысты сот отырысы басталды. Алғашқы процеске қорғаушысыз, бірақ туыстарымен келген келіншек сотқа бұрынғы күйеуінен жиі таяқ жегенін жеткізіп, өзін ата-ана құқынана айырмауды өтінді.
Автор: Әйгерім Шакаманова
15.11.2016
34 жастағы Докуованың айтуынша, бұған бұрынғы күйеуінің туыстары арандатқан. Сондай-ақ, кезінде күйеуімнен таяқ жедім деген келіншек, ол да балаға қол көтереді деген уәж келтірді. Ал, оның бұрынғы күйеуінің адвокаты болса, кішкентай Айлинді әкесі бағуы тиіс дейді отыр. Себебі, бүлдіршін осы уақытқа дейін анасын бір рет те сұрамаған. Яғни, оны ұмытқысы келеді екен. Еске сала кетсек, үш жасар қызын ұрып-соғып, онысын видеоға түсірген келіншектің әрекеті қоғамда шу шығарған. Оқиғадан соң, қалалық білім бөлімі Докуованы аналық құқынан айыру туралы арыз түсірген болатын. Сондай-ақ, балаға көрсеткен қатыгездігі үшін қозғалған қылмыстық іспен полиция айналысуда.
Гүлбақыт Бежанова, Ермұрат Қасымовтың адвокаты:
-Бала үш аптадан бері анасын бірде-бір рет іздеген емес. Яғни, ол өзімен болған сол жайтты ұмытқысы келетін сияқты. Ал анасы оны көргісі келетінін айтып, балабақшаға да келгісі келді.Бірақ,Айлиннің әкесі бұған келіспеді. Ол сұмдық оқиғадан кейін қызын өзі тәрбиелеп, бұрынғы әйелін ата-ана құқығынан айырғысы келеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
