Лаңкестердің қылмысын дер уақытында хабарламағаны үшін 17 ақтөбелікке де айып тағылғанын айта кетейік. Енді прокурорлардың өтінішін судья құптаса, олар да 4 жылдан 6 жылға дейін түрмеге отырады. Сондай-ақ, мемлекеттік айыптаушылар содырларға жасырыну үшін пәтер жалдап берген тағы екі жігітті 5 жылға кесуді сұрады. Атышулы процесс аяқталуға жақын. Келер аптаның басында айыпталушылар соңғы сөздерін айтады. Әзірге сот отырысы абақтыда өтіп жатыр. Естеріңізге салсақ, бұл содырлар маусым айында Ақтөбеде қару-жарақ дүкендері мен әскери бөлімге шабуыл жасаған болатын.