Мәжілістің экс-спикері парамен ұсталған ұлы үшін жауап бермейтін болды
«Бәйтерек» холдингіндегі жемқорлық дауына байланысты тұтқындаулар жалғасуы мүмкін. Сондықтан мемлекеттік «Нұрлы жол» бағдарламасын майшелпекке айналдырған топ-менеджерлердің басқа сыбайластары дереу анықталып жатыр.
Автор: Ербол Сейілхан
18.11.2016
Холдингтің еншілес компаниясы – «Бәйтерек Development-тің» басқарма төрағасының орынбасары Аслан Жақыпов пен басқарушы директорлар Бауыржан Әйтімбетов және Ғазиз Сариев 28 миллион теңге парамен ұсталған еді. Топ-менеджерлер «Нұрлы жол» бағдарламасы арқылы арзан баспана салуға бөлінген бюджеттің миллиардттарын жүйелі түрде жымқырумен айналысқан. Тергеу мәліметтері бойынша, күдіктілер тендерді ұтып алып беру үшін кәсіпкерлерден пара алып отырыпты. Ұсталғандардың бірі – Мәжілістің экс-спикері, қазіргі депутат Қабиболла Жақыптовтың ұлы. Бірақ Жемқорлыққа қарсы агенттіктің төрағасы Қайрат Қожамжаровтың айтуынша, 40 жастағы Аслан Жақыпов үшін әкесі жауап беруге тиісті емес. Сондықтан үлкен Жақыповтың депутаттықтан кетуін талап ету орынсыз екен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
