Бірнеше облыста тағы сабақ тоқтады
Қатты аяздың беті қайтар емес. Еліміздің бірқатар өңірлерінде күннің суытуы салдарынан тағы да мектептерде сабақ тоқтатылды.Синоптиктер мұндай ауа райы сәрсенбіге дейін жалғасады деп отыр.
Автор: Гүлмира Тасболатқызы
21.11.2016
Бұл күндері еліміз бойынша ең төмен температура Шығыс Қазақстанда тіркелді. Таңертең бұл облыста ауа райы -39 градусқа дейін суытты. Қатты аяздан жергілікті жылу-электр стансасындағы бірнеше қазандық істен шыққанымен, шығыстағылардың бағына орай тез арада жөнделіпті. Сондай-ақ, өңірдің мектеп және колледж оқушылары үшін кезектен тыс демалыс уақыты ұзартылды. Ал Астана қаласы мен Петропавл, Қарағанды облыстарында таңертең термометр -29 градусты көрсеткен. Бұл өңірлерде 1-ші және 9-шы сынып аралығындағы оқушылар мектепке барған жоқ.
Юлия Инютина, Петропавлдағы № 2 мектеп директорының орынбасары:
-Бүгін оқушылардың тең жартысы жоқ. Сабақ болмайды дегенімен мектепке келген балаларды кері қайтармай, қалдырып оқыттық. Оларды ата-аналары көлікпен әкеліп, әкетіп жүр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
