Сирияның Алеппо қаласына әуеден шабуыл жасалды

Соның салдарынан бірнеше адамның қаза тапқаны туралы айтылуда. Құтқарушылар көз жұмғандар мен жараланғандарды қираған үйінділердің астынан қазып алуда. Алеппо қаласында билік әскері мен содырлар арасында біраздан бері кескілескен ұрыс жүріп жатыр. Әуеден соққы берілген қалада қираған ғимараттар жетіп артылады. Мына кадрларда Азаматтық қорғаныс өкілдері өмір мен өлім арасында жатқан жаралыларды құтқаруда. Олардың арасында кішкентай балалар да бар. Әуе соққыларынан ажал құшқандардан бөлек, 12 адам жараланған.