Алматыда танымал дәмхана отқа оранды

Алматыда тағы да алапат өрт. Бұл жолы Төлеби көшесінің бойында орналасқан «Ангар» дәмханасы жанып жатыр. Қазір оқиға орнында өрт сөндірушілер жұмыс істеуде. Алайда куәгерлер тісірген видеода қос қабатты нысанның түгі қалмай өртеніп кеткенін байқауға болады. Әзірге зардап шеккендер мен қаза тапқандар туралы ешқандай мәлімет жоқ. Сондай-ақ, қызыл жалынның неден тұтанғаны да әзірге белгісіз. Есесіне Төле би көшесінің бойында ұзын-сонар көлік кептелісі пайда болды.