Ақтөбе тұрғынын лаңкестердің қатарына қосқан қостанайлық полицейлер болып шықты
Ақтөбеде болған лаңкестік оқиға кезінде ізеуде жүрген күдіктілердің тізімін қостанайлық тәртіп сақшысы әлеуметтік желі арқылы жайып жіберген. Құпия құжатты суретке түсіріп, whatsap месенджерімен жолдапты.
Автор: Жаңалық Ахаш
24.11.2016
Ең қызығы, ол тізімнен радикалдарға қатысы жоқ ағайынды Қожаниязовтар табылады. Қазір олар өздерін содырлар санатына қосып қойған Ақтөбе облыстық ішкі істер департаменті мен тізімді жариялаған жергілікті газеттен 20 миллион теңге талап етіп отыр. Өйткені, сол қателіктің кесірінен ағалы-інілі екеу жарты жыл бойы жұртқа ақталып әлекпіз дейді. Ал сотта жауап берген қостанайлық ішкі істер департаментінің өкілі тізімді таратқан тәртіп сақшысын жұмыстан қудық деп ақталды. Әйтсе де, олардың бұл жауабынан соң, айыпталушылардың құрамы тағы бір мекемемен толықты. Енді ағайынды екі жігіт Қостанай облыстық ішкі істер департаментінен де он миллион теңге талап етіп отыр.
Самат Қожаниязов, Ақтөбе облысының тұрғыны:
- Осы күнге дейін қол-аяғым қалтырайды. Маған оңай дейсіз бе? Үш баланың әкесімін. Ол ойыншық емес қой, қоя қоятын. 14 облыстың бәріне кетті. Бүкіл Қазақстан біледі. Шетелге шыға алмай отырмыз, шешемізді апара алмай отырмыз осы отырғанда. Шетелге шықсақ болды, қамап тастайды бізді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
