Шығыста аязға байланысты бірнеше ауылда төтенше жағдай жарияланды
Қытымыр қысқа байланысты Шығыс Қазақстан облысындағы елді-мекенде төтенше жағдай жарияланды. Абай ауданына қарасты Саржал ауылы қар құрсауында қалып қойған.
Автор: Олжас Байжан
28.11.2016
Алдымен бұл өңірде жарты метрге жететін қар жауып, соңы жаңбырға ұласыпты. Іле-шала ылғалды қар үскірік аяздан сіресіп қатып қалған. Енді соның кесірінен малдың жайылымға шығуы қиындады. Жолды да аршу мүмкін болмай, қатынас тұралап тұр. Азық-түлік, дәрі-дәрмек пен төрт түліктің жем-шөбін жеткізі қиынға соғуда. Осыған байланысты аудан әкімінің шешімімен кешелі бері Саржалда төтенше жағдай жарияланған.
Марат Еділбаев, Абай ауданы әкімінің орынбасары:
–«К-700» тракторлары жол ашып жатыр. Жылқының табындарына бару үшін. Тек қана бір ауылдың шеңберінде округта жарияланған жағдай.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
